धनगढी । कैलालीमा कोरोना संक्रमित थप दुई जनाको ज्यान गएको छ । शुक्रबार गौरीगङ्गा नगरपालिका-७ की ७५ वर्षकी एक वृद्धा र धनगढी उपमहानगरपालिका-५ का ५५ वर्षका पुरुषको कोरोना संक्रमणबाट मृत्यु भएको हो ।
मृतक बृद्धा दीर्घरोगबाटसमेत ग्रसित थिए । कात्तिक २९ गतेबाट भेन्टिलेटरमा राखेर उपचार थालिए पनि संक्रमित वृद्धाको ज्यान बचाउन नसकिएको अस्पतालका सूचना अधिकारी दिलिपकुमार श्रेष्ठले जानकारी दिए ।
त्यस्तै, धनगढीका मृतक ती पुरुष पनि दीर्घरोगी थिए । कात्तिक २५ गतेबाट भेन्टिलेटरमा राखेर उनको उपचार थालिएको थियो ।
प्रतिक्रिया दिनुहोस्