४ भदाै, काठमाडाैँ । माधव कुमार नेपाल पक्षले निर्वाचन आयोगमा नयाँ पार्टी दर्ताका लागि दिएको नाम फेरेको छ । शुक्रबार राजेन्द्र पाण्डेसहितको टोली निर्वाचन आयोग पुगेर नाम संशोधन गरेका हुन् ।
यसअघि ‘नेकपा एमाले समाजवादी’ राख्ने भनेर दिएको निवेदनमा अब ‘नेकपा एकीकृत समाजवादी’ राखिने भएको छ । यसअघि नेपालले प्रस्ताव गरेको नेकपा एमाले (समाजवादी) नाम मूल पार्टीसँग जुधेको भन्दै आयोगले अस्वीकार गर्न सक्ने भन्दै नाम फेरिएको बताइएको छ ।
पार्टीको नाम फेरिएता पनि चुनाव चिन्हको बारेका अझै निर्णय भइनसकेको बताइएको छ ।
प्रतिक्रिया दिनुहोस्