नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका स्थायी समिति सदस्य तथा प्रवक्ता खड्गबहादुर विश्वकर्मा प्रकाण्ड पक्राउ परेपछि ‘विप्लव’ नेतृत्वको नेपाल कम्युनिष्ट पार्टी सरकार प्रति आक्रोशित बनेको छ ।
महासचिव विप्लवले जारी गरेको विज्ञप्तिमा साउन २५ गते देशव्यापी कोणसभा, २६ गते विरोधसभा, २७ गते भण्डाफोर, २८ गते मसाल जुलुस र २९ गते नेपाल बन्दको कार्यक्रम घोषणा गरिएको छ।
त्यस्तै महासचिव विप्लवले काठमाडौँको दक्षिणकालीबाट स्थायी समितिका सदस्य तथा प्रवक्ता प्रकाण्डसहित तीनजनालाई सरकारले बिनाकारण गिरफ्तार गरेको दावी समेत गरेका छन् ।
विप्लवले विनाशर्त नेता रिहाइ नगरे सशक्त प्रतिरोध गर्ने चेतावनी दिएका छन् ।
प्रतिक्रिया दिनुहोस्