६ बैशाख , काठमाडाैँ – युरोपा लिग फुटबलको क्वार्टरफाईनलको दोस्रो लेगको खेलमा आर्सनलले नापोलीलाई १-० ले हराएको छ ।
बिहिबार राति भएको खेलमा ईटालियन क्लबमाथि साघुँरो जित निकाल्दै आर्सनल ३-० को नतिजा सहित सेमिफाईनल प्रवेश गरेको हो ।
आर्सनलको जितमा एक मात्र गोल एलेक्जेन्डर लाकाजेट्टीले गरे ।
त्यसै गरी चेल्सी पनि युरोपा लिग फुटबलको सेमिफाईनलमा प्रवेश गरेको छ । बिहिबार राति भएको क्वार्टरफाईनलको दोस्रो लेगको खेलमा चेल्सीले चेक क्लब स्लाभिया प्रागलाई ४-३ गोल अन्तरले हराउँदै चेल्सी अन्तिम ४ मा पुगेको हो ।
लण्डन क्लब चेल्सी समग्रमा ५-३ को नतिजा सहित अन्तिम ४ मा पुगेको हो ।
प्रतिक्रिया दिनुहोस्