प्रत्येक मानिसले आफ्नो स्वास्थ्यको हेरचाह राख्छन् तर पनि जानेर होस् या नजानेर सामान्य लाग्ने कुराले पनि हाम्रो स्वास्थ्यमा धेरै नकरात्मक असर पुर्याइरहेको हुन्छन् । हामीले हाम्रो स्वास्थ्य बारे बेलैमा सजल भए मात्र स्वास्थ्य जीवन जिउन सक्छौँ । प्राय मानिसहरुको बानी हुन्छ कि बिहान उठ्ने बितिकै चिया पिउने तर यसरी खाली पेटमा चिया पिउनु हाम्रो स्वास्थ्यको लागि उचित हुदैन । यस्ता केहि चिजहरु छन् जुन खाली पेट खानाले बिष खाए सरह हुन् ।
के – के हुन् यी चिजहरु जुन खाली पेट खान हुँदैन् :
चिया–कफी
खाली पेट चिया कफी पिउनाले एसिड बढाएर हाइड्रोक्लोरिक एसिडको गतिलाई रोक्छ जसले गर्दा ग्यास्ट्रिकको समस्या भई पेट दुख्ने समस्या उत्पन्न हुन्छ ।
चिसो पेय पदार्थ
खाली पेटमा चिसो प्रेय पदार्थ पिउनाले पाचन क्रिया सुस्त बनाई पेटको पाचन क्रियालाई हानी पुर्याउँछ ।
सफ्ट ड्रिङ्स
खाली पेट सफ्ट ड्रिङ्स पिउनाले उच्च मात्रामा कार्बोनेट एसिड हुने हुँदा पेटमा गम्भीर समस्या भई वान्ता आउने जस्ता समस्या बढाउँछ ।
अमिलो फल
खाली पेटमा अमिलो खानु भनेको आफ्नो स्वास्थ्य बिगार्नु हो । किनकी खाली पेट अमिलो खानाले एसिड बढाउनुका साथै फाइबर र फ्रुक्टोज प्राप्त हुने पाचन क्रियालाई पनि सुस्त बनाउँछ । सो कारण खाली पेट अमिलो खाने बानी गर्नु हुँदैन् ।
मसालेदार खाना
खाली पेटमा धेरै पिरो खानु भनेकोस्वास्थ्यलाई खराब बनाउनु सरह हो । किनकी खाली पेटमा पिरो खानेकुरा खानाले एसिडिटी बढाउनका साथै पेट दुख्ने समस्याहरु देखा पर्दछन् । सो कारण खाली पेटमा बढी मसालेदार खाना खाने गर्नु हुँदैन् ।
