प्रेमिकाको हत्यामा संलग्न भएको आरोपमा प्रशान्त तामाङ पक्राउ

काठमाडौँ महानगरपालिका–७ गङ्गाहिटीमा कोठा भाडामा लिएर बस्दै आएकी रामेछाप, रस्नालु–८ की २३ वर्षीया सञ्चिता पाख्रिन (तामाङ) को कोठामा बाहिरबाट चाबी लगाएको अवस्थामा शव गत वैशाख ८ गते फेला परेको थियो ।

अभियुक्त प्रशान्त र मृतक सञ्चिताबीच करिब दुई वर्षदेखि प्रेम सम्बन्ध रहेको र २०७४ असारमा विवाह गर्ने सल्लाह भएको भए पनि सञ्चिताको पेटमा रहेको बच्चा प्रशान्तले राख्न चाहेको तर सञ्चिताले फालिदिएपछि आपसी विवाद हुँदा प्रशान्तले गत वैशाख ४ गते सलले घाँटी कसेर सञ्चिताको हत्या गरी कोठामा बाहिरबाट ताला लगाई फरार भएको अनुसन्धानको क्रममा खुल्न आएको प्रहरीले जनाएको छ ।

अनुसन्धान पश्चात अभियुक्त प्रशान्तलाई दोलखा प्रहरीको सहयोगमा उक्त महाशाखाको प्रहरीले पक्राउ गरी थप कानुनी कारबाहीको लागि महानगरीय प्रहरी वृत्त गौशाला पठाएको छ ।रासस