Logo

क्रिकेट प्रेमीको मन मस्तिष्कमा बस्न सफल गुल्मीका सागर



Spread the love

६ साउन, गुल्मी – भौगोलिक दृष्टिले विकट मानिने प्रदेश नम्वर पाँचको पहाडी जिल्ला गुल्मीमा जन्मेका सागर ढकालको नाम पछिल्लो समय क्रिकेट प्रेमीको मन मस्तिष्कमा बस्न सफल भएको छ । गुल्मीको सत्यवती गाउँपालिका वडा नम्वर ५ हँसरामा जन्मेका सागर ढकालाई अहिले नेपाली क्रिकेटको भविष्यको रुपमा हेर्न थालिएको छ ।

हंसराको कालिका प्राथमिक विद्यालयको सानो खेलमैदानबाट सुरु भएको उनको खेल जिवन छोटो समयमै अहिले अन्तर्राट्रिष्य स्तरसम्म पुग्न सफल भएको छ ।

पर्याप्त खेलमैदान, स्रोत साधनको अभाव निरन्तर रुपमा रहेता पनि सागरको क्रिकेटर बन्ने सपनामा  दिन प्रतिदिन उत्साह बढ्दै थियो । नेपालका ठुला लिगहरु एभेष्ट प्रिमियर लिग , धनगढी प्रिमियर लिग र प्रधानमन्त्री कप खेलि सकेर एक वर्ष अघि यु–१९ को राट्रिष्य टिममा डेब्यु गरेका ढकालले हालै मलेशियामा सम्पन्न एसीसी यू–१९ एसिया कपको पूर्वी क्षेत्रीय छनोट प्रतियोगितामा तहल्का नै पिटे ।

नेपालले एसिया कपको पूर्वी क्षेत्रीय छनोट प्रतियोगिताको उपाधि उचाल्दा सागरको भुमिका महत्वपुर्ण रह्यो । सागरले चीनविरुद्ध ६, हङकङविरुद्ध ५, मलेसियाविरुद्ध ३ र सिंगापुरविरुद्ध १ विकेट लिँदै ४ खेलमा कुल १५ विकेट लिँदै प्लेयर अफ द टुर्नामेन्ट बन्न सफल भए ।

क्रिकेटर सागर ढकाल भन्छन् “सुरुसुरुमा बुबमआमा त्यती खुसी हुनु हुन्थेन । बिस्तारै बिस्तारै खेलमा सुधार हुँदै गयो र नाम आउन थालेपछी बुबाआमा पनि खुसी हुन थाल्नु भयो । उहाँहरुको चाहना पनि छोरा किक्रेटर भन्दा अरु नै बनोस् भन्ने थियो ।” तर अहिलेको सफलताले बुबाआमाको मन पनि आफ्नो तर्फ नै ढल्किन थालेको सागरको भनाइ छ ।

खड्का सल्लेरी खबरका लुम्बिनी प्रदेश सम्बाददाता हुन् ।

प्रतिक्रिया दिनुहोस्