एजेन्सी । ड्यानियल क्रेग अभिनित जेम्स बोम्ड सिरिजको चलचित्र नो टाइम टु डाइको प्रदर्शन मिति सरेको छ ।
नो टाइम टु डाइ अप्रिलमा प्रदर्शन हुने भनिएको थियो तर कोरोना भाइरसको कारणले चलचित्र ८ महिनापछि धकलिएको छ । अब चलचित्र नोभेम्बर १२ मा प्रदर्शनमा आउनेछ । तर बेलायतमा भने चलचित्र नोभेम्बर १२ मा नै प्रदर्शन गरिनेछ ।
चलचित्रको निर्माण पक्षले ट्विटरमा फोटो राख्दै कोरोना भाइरसको कारणले गर्दा चलचित्र नोभेम्बरमा सारिएको बताएको छ ।
प्रस्तुत चलचित्र जेम्स बोन्डको भूमिकामा देखिएका ड्यानियल क्रेगको अन्तिम चलचित्र हो । नो टाइम टु डाइसहित उनले जेम्स बोन्ड सिरिजको पाँच चलचित्रमा काम गरिसकेका छन् । प्रस्तुत चलचित्रमा ओस्कार विजेता अभिनेता रमी मलिक खलनायकको भूमिकामा देखिएका छन् ।
प्रतिक्रिया दिनुहोस्