कञ्चनपुरमा ५१ दिनअघि बलात्कारपछि हत्या गरिएकी १३ वर्षीया निर्मला पन्तको न्यायको निम्ति शनिवार काठमाडौँमा विशाल प्रदर्शन भएको छ ।
‘निर्मलाका निम्ति न्याय’ नाम दिइएको प्रदर्शन माइतीघर मण्डलाबाट सुरु भएर बानेश्वरमा कोण सभामा बदलिएको छ। प्रदर्शनमा सयौँ सर्वसाधारण सहभागी भएका छन् ।
प्रदर्शकारीले मौन बसेको ‘सरकार किन बढ्दैछ बलात्कार ?, निर्दोषलाई यातना, दोषीलाई उन्मुक्ति ?’, ‘सरकारले देखायो लाचारी, त्यसैले हाम्रो खबरदारी’ लगायतका नारा लेखिएका प्ले कार्ड बोकेका थिए ।
निर्मला घटनाका दोषी अझै कारबाहीको दायरमा आउन नसकेको अवस्थामा स्वस्फुर्त रूपमा सयौँ सर्वसाधारण जनता सहभागी भएका छन् । घटना भएको २ महिना बित्न लाग्दा पनि प्रहरीले अपराधी पत्ता लगाउन नसकेको भन्दै जनता आक्रोशित छन् ।
केही दिन अगाडि न्याय माग्दै निर्मलाका आमा, बुवा पनि काठमाडौँ आएका छन् । शुक्रवार संघीय संसदमा सम्बोधन गर्दै गृहमन्त्री राम बहादुर थापा ‘बादल’ले हत्याका दोषी छिट्टै कानुनी कठघरामा आउने जानकारी दिएका थिए ।
शनिवार देशका अधिकांश मुख्य शहर तथा अन्य स्थानमा दोषी पत्ता लगाई कारबाहीको माग गर्दै प्रदर्शन गरिएको छ ।
भिडियो हेर्न तलको लिन्कमा क्लिक गर्नुहोस् !
सम्बन्धित समाचार:
निर्मलापछि फेरि कञ्चनपुरमै दुई बालिका बलात्कृत
कञ्चनपुरको आन्दोलनमा गुम्यो प्रशासनको संयमता
